Нарадзіўся 17.03.1909, в. Глухавічы, Брагінскі раён, Гомельская вобласць. Фізікахімік. Доктар хімічных навук (1954), прафесар (1954). Акадэмік АН БССР (1959).

Адукацыя: Маскоўскі дзяржаўны ўніверсітэт (1933).

Навуковыя інтарэсы: тэорыя тапахімічных рэакцый; кінетыка і механізм гетэрагенных хімічных рэакцый; радыехімія; малекулярны і эмісійны спектральны аналіз; абагачэнне калійных солей.

Месца працы, пасада: Інстытут хіміі АН БССР (1937–1941 і 1944–1959, з 1957 – загадчык лабараторыі мінеральных солей і ўгнаенняў), Інстытут агульнай і неарганічнай хіміі АН БССР (у 1959–1966 – дырэктар, з 1966 – загадчык лабараторыі цвёрдафазных рэакцый), адначасова Беларускі дзяржаўны ўніверсітэт (хімічны факультэт, у 1938–1941 і 1943–1965 – загадчык кафедры фізічнай і калоіднай хіміі, 1957–1968 – загадчык радыехімічнай лабараторыі, 1943–1947 – дэкан факультэта).

Узнагароды: званне "Заслужаны дзеяч навукі Беларускай ССР" (1972), ордэн "Знак Почета" і інш.

Памёр 24.03.1975.