Нарадзіўся 20.01.1907, в. Агароднікі, Капыльскі раён, Мінская вобласць. Філосаф. Доктар філасофскіх навук (1952), прафесар (1953). Член-карэспандэнт АН БССР (1969). Удзельнік Вялікай Айчыннай вайны.

Адукацыя: Беларускі дзяржаўны ўніверсітэт (1930), АН БССР (аспірантура, 1933).

Навуковыя інтарэсы: гісторыя філасофскай, грамадска-палітычнай і сацыялагічнай думкі Беларусі; гістарычны матэрыялізм; атэізм.

Месца працы, пасада: Інстытут філасофіі і права АН БССР (1933–1953, старшы навуковы супрацоўнік, вучоны сакратар, намеснік дырэктара, дырэктар, загадчык сектара гісторыі філасофіі), Беларускі дзяржаўны ўніверсітэт (з 1953, загадчык кафедры гісторыі філасофіі, логікі і навуковага атэізму, адначасова ў 1967–1970 – загадчык праблемнай лабараторыі сацыялагічных даследаванняў).

Узнагароды: званне " Заслужаны дзеяч навукі Беларускай ССР" (1971) і інш.

Памёр 09.09.1973.