Нарадзіўся 08.04.1941, гар. пас. Любча, Навагрудскі раён, Гродзенская вобласць. Урач-гігіеніст. Доктар медыцынскіх навук (1986), прафесар (1995).

Адукацыя: Харкаўскі дзяржаўны медыцынскі інстытут (1965).

Навуковыя інтарэсы: ацэнка ўзроўню шуму ва ўмовах вытворчасці і побыту; гігіенічная ацэнка фактараў асяроддзя пражывання і распрацоўка асноўных напрамкаў прафілактыкі іх неспрыяльнага дзеяння на арганізм чалавека ў вытворчых умовах і ва ўмовах пражывання ў населеных месцах.

Месца працы, пасада: Сквірская раённая санітарна-эпідэміялагічная станцыя, Кіеўская вобласць (1965–1966, санітарны ўрач); Кіеўская абласная санітарна-эпідэміялагічная станцыя (1966–1968, санітарны ўрач); Кіеўскі навукова-даследчы інстытут агульнай і камунальнай гігіены (1968–1988; у 1975–1988 – кіраўнік лабараторыі па гігіенічным вывучэнні механічных фактараў навакольнага асяроддзя); Беларускі дзяржаўны медыцынскі ўніверсітэт (1988–2013; прафесар, у 1988–2013 – загадчык кафедры гігіены працы з курсам камунальнай гігіены).

Узнагароды: знак "Отличник здравоохранения" (1967).

Памёр 04.09.2017. Пахаваны на радзіме.