Нарадзіўся 14.08.1925, в. Кледнявічы, Дрыбінскі раён, Магілёўская вобласць. Геадэзіст. Доктар тэхнічных навук (1970), прафесар (1970). Член Беларускага Саюза журналістаў. Удзельнік Вялікай Айчыннай вайны.

Адукацыя: Беларуская дзяржаўная сельскагаспадарчая акадэмія (землеўпарадкавальны факультэт, 1951), Беларускі політэхнічны інстытут (аспірантура, 1954).

Навуковыя інтарэсы: пабудова і матэматычная апрацоўка геадэзічных сетак; аўтаматызацыя геадэзічных і тапаграфічных работ; навукова-даследчая работа студэнтаў; праблемы адукацыі, інтэлекту і дэмакратычнага філасофска-сацыялагічнага напрамку.

Месца працы, пасада: Беларускі дзяржаўны тэхналагічны ўніверсітэт (1974–1991 – загадчык кафедры інжынернай геадэзіі, 1991–1996 – загадчык універсітэта беларускай мовы, гісторыі і культуры), Беларуская дзяржаўная сельскагаспадарчая акадэмія (1955–1974 і 1997–2003, прафесар кафедры геадэзіі і фотаграмметрыі, у 1970–1974 – загадчык кафедры), адначасова РУП "Белгіпразем", "Белгеадэзія" (1997–2004, кансультант).

Памёр 22.03.2014.