Чысцік Алег Уладзіміравіч, доктар сельскагаспадарчых навук, аграномія
Дата нараджэння:
20.10.1940
Дата смерці:
23.11.2014
Імёны на іншых мовах:
Čistik Oleg Vladimirovič (не вызначана); Čyscik Aleg Uladzimiravič (не вызначана);
887 сімвалаў
Даведка
Нарадзіўся 20.10.1940, в. Клімаўка, Гомельскі раён, Гомельская вобласць. Аграглебазнавец, аграхімік. Доктар сельскагаспадарчых навук (1992).
Адукацыя: Беларуская дзяржаўная сельскагаспадарчая акадэмія (1969).
Навуковыя інтарэсы: фізіка-хімічныя асаблівасці эрадзіраваных глебаў, захаванне і абнаўленне іх урадлівасці; гарызантальная міграцыя радыенуклідаў у аграэкасістэмах і інш.
Месца працы, пасада: інстытут "Латдзіпразем" (г. Рыга, Латвія, з 1969, інжынер), Беларускі навукова-даследчы інстытут глебазнаўства і аграхіміі (з 1970, навуковы супрацоўнік), Міжнародны дзяржаўны экалагічны ўніверсітэт імя А. Д. Сахарава (Мінск, 1992–2012, дырэктар дэпартамента Міжнароднага вышэйшага каледжа, у 1999–2006 – загадчык кафедры экалагічнага маніторынгу, з 2006 – прафесар кафедры экалагічнага маніторынгу і менеджменту).
