Нарадзіўся 14.01.1894, в. Трабы, Іўеўскі раён, Гродзенская вобласць. Мовазнавец, спецыяліст у галіне беларускага мовазнаўства. Удзельнік Першай сусветнай вайны, Грамадзянскай вайны ў Расіі. Рэпрэсіраваны па абвінавачванні ў нацыяналізме, адбываў пакаранне ў папраўча-працоўным лагеры (1936–1940), рэабілітаваны.

Адукацыя: Беларускі дзяржаўны ўніверсітэт (1925).

Навуковыя інтарэсы: сучасная беларуская літаратурная мова; дыялекталогія; гісторыя беларускай мовы.

Месца працы, пасада: Мсціслаўскі раённы камітэт КПБ (1925, сакратар), газета Клімавіцкага раёна "Наш працаўнік" (1926–1927, адказны рэдактар), Беларускае дзяржаўнае выдавецтва (1928–1929, стыль-рэдактар), Камісія па выданню твораў У. І. Леніна на беларускай мове (1927–1930, сакратар), Інстытут мовазнаўства АН БССР (1930–1935, вучоны сакратар), Мінскі дзяржаўны педагагічны інстытут (1933–1936, дацэнт кафедры мовазнаўства), Гомельскі педагагічны інстытут (1940–1941, выкладчык кафедры мовазнаўства), Магілёўскі дзяржаўны педагагічны інстытут (1944–1968, дацэнт кафедры беларускай мовы, у 1944–1962 – загадчык кафедры).

Памёр 17.04.1973.