Нарадзіўся 20.05.1926, в. Чыстыя Лужы, Веткаўскі раён, Гомельская вобласць. Лесавод, эколаг. Доктар сельскагаспадарчых навук (1986), прафесар (1976). Удзельнік Вялікай Айчыннай вайны.

Адукацыя: Ленінградская лесатэхнічная акадэмія (1952), Інстытут кіравання народнай гаспадаркай пры Дзяржаўным камітэце Савета Міністраў СССР па навуцы і тэхніцы (1972).

Навуковыя інтарэсы: лесазнаўства; паляўніцтвазнаўства; ахова прыроды.

Месца працы, пасада: Жорнаўская лясная доследная станцыя (Магілёўская вобласць; з 1955, дырэктар), Запаведна-паляўнічая гаспадарка "Белавежская пушча" (з 1957, дырэктар), Міністэрства лясной гаспадаркі Беларускай ССР (з 1966, намеснік міністра), Беларускі дзяржаўны тэхналагічны ўніверсітэт (1973–2006, лесагаспадарчы факультэт, кафедра лесаводства, у 1982–1991 – загадчык кафедры, 1973–1987 – рэктар).

Узнагароды: званне "Заслужаны дзеяч навукі Беларускай ССР" (1980).

Памёр 19.09.2006.