Нарадзіўся 07.02.1938, г. Бобрынец, Кіраваградская вобласць, Украіна. Спецыяліст у галіне вылічальнай тэхнікі. Доктар тэхнічных навук (1990).

Адукацыя: Маскоўскі энергетычны інстытут (спецыяльнасць "Матэматычныя і лічыльна-рашаючыя прыборы і ўстройствы", 1961).

Навуковыя інтарэсы: вылічальныя машыны, комплексы, сістэмы.

Месца працы, пасада: Мінскі завод электронных вылічальных машын імя Г. К. Арджанікідзе (з 1961, начальнік лабараторыі, аддзела, намеснік галоўнага інжынера), Навукова-даследчы інстытут электронных вылічальных машын (з 1972, галоўны навуковы супрацоўнік, у 1988–1992 – галоўны канструктар, 1987–1988 і 1992–1994 – дырэктар), адначасова Мінскае вышэйшае інжынернае зенітнае ракетнае вучылішча проціпаветранай абароны (1973–1984, прафесар).

Узнагароды: ордэны Кастрычніцкай рэвалюцыі, Працоўнага Чырвонага Сцяга, прэмія Ленінскага камсамола (1970), Дзяржаўная прэмія СССР (1983).

Памёр 22.10.1997.