Нарадзіўся 07.03.1945, г. Рэчыца, Гомельская вобласць. Спецыяліст у галіне фізікі і механікі палімераў, патэнтазнавец. Доктар тэхнічных навук (1994), прафесар (1992).

Адукацыя: Гомельскі дзяржаўны ўніверсітэт (спецыяльнасць "Фізіка", 1969; аспірантура, 1974), Цэнтральны інстытут патэнтазнаўства (0000).

Навуковыя інтарэсы: фізіка і механіка палімераў; фізіка-механічныя пераўтварэнні палімераў у кантакце з металамі і іх злучэннямі; эфектыўныя метады фарміравання металапалімерных матэрыялаў і вырабаў.

Месца працы, пасада: Гомельскі дзяржаўны ўніверсітэт імя Ф. Скарыны (з 1978, фізічны факультэт, кафедра агульнай фізікі, прафесар, у 1984–1997 – загадчык кафедры, 1997–2007 – прарэктар па навуковай рабоце).

Узнагароды: медаль Рэспублікі Беларусь "За працоўныя заслугі" (1997), прэмія Ленінскага камсамолу Беларусі (1973) і інш.

Памёр 08.09.2017.

Крыніца інфармацыі – анкета вучонага