Нарадзіўся 30.04.1928, г. Ташкент, Узбекістан. Тэатразнавец. Доктар мастацтвазнаўства (1990), прафесар (1990). Акадэмік Беларускай акадэміі адукацыі (1999).

Адукацыя: Ташкенцкі дзяржаўны інстытут тэатральнага мастацтва імя А. М. Астроўскага (кваліфікацыя "Акцёр драматычнага тэатра", 1950), Інстытут літаратуры і мастацтва АН БССР (аспірантура, 1955).

Навуковыя інтарэсы: гісторыя і тэорыя беларускага прафесійнага і народнага тэатра.

Пазапрафесійная дзейнасць: літаратурная творчасць (драматург).

Месца працы, пасада: Рускі драматычны тэатр імя М. Горкага (Ташкент; 1944–1946), Дзяржаўны рускі драматычны тэатр БССР (з 1950), Інстытут мастацтвазнаўства, этнаграфіі і фальклору АН БССР (1955–1961, 1973–1978), Беларускі дзяржаўны тэатральна-мастацкі інстытут (1961–1967, загадчык кафедры гісторыі мастацтва, мовы і літаратуры), Галоўная рэдакцыя Беларускай савецкай энцыклапедыі (1967–1973), Беларускі дзяржаўны ўніверсітэт культуры (з 1979, факультэт культуралогіі і сацыякультурнай дзейнасці, кафедра беларускай і сусветнай мастацкай культуры, прафесар, у 1983–1994 – загадчык кафедры).

Памёр 14.06.2001.