Нарадзіўся 12.03.1929, г. Прылукі, Чарнігаўская вобласць, Украіна. Спецыяліст у галіне тэхналогіі тэкстыльных матэрыялаў. Доктар тэхнічных навук (1984), прафесар (1985). Ганаровы доктар Маскоўскага дзяржаўнага тэкстыльнага ўніверсітэта імя А. М. Касыгіна (2004).

Адукацыя: Маскоўскі тэкстыльны інстытут (спецыяльнасць "Прадзенне бавоўны", 1954; аспірантура, 1966; дактарантура, 1982).

Навуковыя інтарэсы: тэхналогіі вытворчасці камбінаваных нітак новых структур, ільнозмяшчальнай пражы і тэкстыльных матэрыялаў, кампазіцыйных тэкстыльных матэрыялаў бытавога і тэхнічнага прызначэння; распрацоўка новых спосабаў прадзення і абсталявання для іх рэалізацыі; удасканаленне працэсаў вытворчасці пражы рознага складу; тэхналогіі перапрацоўкі адходаў тэкстыльнай вытворчасці; распрацоўка прагрэсіўных метадаў апрацоўкі тэкстыльных матэрыялаў, у т. л. на аснове нанатэхналогій.

Месца працы, пасада: эвакашпіталь № 1648 (г. Курск; 1943–1944), фабрыка "Знамя труда" (г. Кастрама; 1954–1957), Прылукская панчошная фабрыка імя 8 Сакавіка (1957–1958), Прылукская прадзільная фабрыка (1958–1968, галоўны інжынер), Віцебскі дзяржаўны тэхналагічны ўніверсітэт (з 1968, кафедра прадзення натуральных і хімічных валокнаў, загадчык кафедры; з 2015 – факультэт вытворчых тэхналогій, кафедра "Тэхналогія тэкстыльных матэрыялаў", дацэнт).

Узнагароды: ордэн Айчыннай вайны II ступені (1984); ганаровыя граматы Міністэрства адукацыі Рэспублікі Беларусь, канцэрна "Беллегпрам"; нагрудныя знакі Міністэрства вышэйшай і сярэдняй спецыяльнай адукацыі СССР, Міністэрства адукацыі Рэспублікі Беларусь і інш.

E-mail: Kogan-ag@rambler.ru

Крыніца інфармацыі – анкета вучонага