Нарадзіўся 01.05.1931, г. Слонім, Гродзенская вобласць. Літаратуразнавец, пісьменнік, перакладчык. Доктар філалагічных навук (1970), прафесар (1971). Член-карэспандэнт Нацыянальнай акадэміі навук Беларусі (1989).

Адукацыя: Беларускі дзяржаўны ўніверсітэт (спецыяльнасць "Беларуская мова і літаратура", 1953).

Навуковыя інтарэсы: гісторыя беларускай літаратуры; заканамернасці развіцця беларускай нацыянальнай паэзіі; тыпалагічныя сувязі беларускай і польскай літаратур; генетычныя і працэсуальныя асаблівасці развіцця беларускай літаратуры 19 – пачатку 20 ст. і інш.

Месца працы, пасада: Беларускі дзяржаўны ўніверсітэт (з 1956, філалагічны факультэт, кафедра беларускай літаратуры, прафесар, з 1985 – загадчык кафедры, з 1993 – кафедра беларускай літаратуры 20 ст., загадчык кафедры, у 1991–1996 – дэкан факультэта).

Узнагароды: Ганаровая грамата Вярхоўнага Савета Беларускай ССР (1976, 1980), ордэн Дружбы народаў (1981), Дзяржаўная прэмія Беларускай ССР (1990), медаль Францыска Скарыны і інш.

Памёр 19.11.2008, пахаваны ў г. Слонім.