Нарадзіўся 19.04.1926, с. Адскочное, Хварасцянскі раён, Варонежская вобласць, Расія. Урач-гігіеніст. Доктар медыцынскіх навук (1975), прафесар (1977). Удзельнік Вялікай Айчыннай вайны.

Адукацыя: Уманская фельчарска-акушэрская школа (1943), Львоўскі дзяржаўны медыцынскі інстытут (1954; аспірантура, 1957).

Навуковыя інтарэсы: вітамінны абмен пры вострых і хранічных оксівугляродных інтаксікацыях; умовы працы ў хімічнай і гарбарнай прамысловасці, іх уплыў на стан здароўя работнікаў; стан асяроддзя пражывання і ўплыў неспрыяльных эколага-гігіенічных фактараў на здароўе асобных груп насельніцтва паўночна-заходняга рэыгіёна Беларусі.

Месца працы, пасада: Панінскі раённы аддзел аховы здароўя Варонежскай вобласці (1947–1948, загадчык), Львоўскі дзяржаўны медыцынскі інстытут (1958–1960, кафедра агульнай гігіены, асістэнт), Гродзенскі дзяржаўны медыцынскі інстытут (з 1960, кафедра агульнай гігіены, дацэнт, у 1961–1994 – загадчык кафедры, з 1994 – прафесар-кансультант).

Памёр 18.03.1999.