Нарадзіўся 07.01.1917 (25.12.2016 па ст.ст.), г. Гродна. Гісторык. Доктар гістарычных навук (1973), прафесар (1974).

Адукацыя: Віленскі ўніверсітэт, з 1939 – Львоўскі ўніверсітэт, гістарычны факультэт (1940).

Навуковыя інтарэсы: гісторыя каталіцкай царквы на тэрыторыі Польшчы і Літвы (пераважна 16–18 стст.): зямельная ўласнасць дыяцэзій і манаскіх ордэнаў, становішча сялянства ў царкоўных уладаннях, роля Ватыкана і езуітаў у падрыхтоўцы Брэсцкай уніі 1596, барацьба каталіцкага духавенства супраць ідэй вальнадумства і атэізму; гісторыя г. Гродна і Гродзеншчыны.

Месца работы, пасада: Ківярэцкая сярэдняя школа, пас. Ківерцы Валынскай вобласці (настаўнік); Брыкаўская сярэдняя школа Духаўніцкага раёна Саратаўскай вобласці (1941–1945, настаўнік гісторыі, геаграфіі і нямецкай мовы); Гродзенская сярэдняя школа № 2 (1945–1946, дырэктар, 1946–1949, настаўнік гісторыі і геаграфіі); Гродзенскі гарадскі метадычны кабінет (1949–1953, загадчык кабінета); Гродзенскі дзяржаўны ўніверсітэт імя Я. Купалы (1946, выкладчык лацінскай мовы і гісторыі, з 1956 – кафедра гісторыі, дацэнт, у 1970–1973 – дэкан гісторыка-педагагічнага факультэта, у 1978–1981 – загадчык кафедры гісторыі СССР і БССР, у 1981–1987 – загадчык кафедры гісторыі БССР).

Памёр 25.09.1990.