Нарадзіўся 14.11.1891 (02.11.1891 па ст. ст.), мястэчка Смілавічы, Мінская губерня (гар. пас. Смілавічы, Чэрвеньскі раён, Мінская вобласць). Мікрабіёлаг. Доктар медыцынскіх навук (1936), прафесар (1933).

Адукацыя: Саратаўскі ўніверсітэт, медыцынскі факультэт (1918).

Навуковыя інтарэсы: спантанны спірахетоз трусоў; лабараторная дыягностыка сіфіліса; уласцівасці скуры, у тым ліку ў імунізаваных людзей і жывёл; вывучэнне і прафілактыка малярыі, брушнога тыфа; дыфтэрыйны і слупняковы анатаксін; шаленства.

Месца працы, пасада: Дзяржаўны венералагічны інстытут, г. Масква (1921–1930); 1 Маскоўскі медыцынскі інстытут (1931–1933, дацэнт кафедры мікрабіялогіі); Беларускі дзяржаўны медыцынскі інстытут (1933–1941, 1943–1946 – загадчык кафедры мікрабіялогіі) і адначасова навуковы кіраўнік Беларускага інстытута мікрабіялогіі і эпідэміялогіі (1933–1941); Ваенна-медыцынская акадэмія (1941–1943, прафесар кафедры мікрабіялогіі); Беларускі інстытут мікрабіялогіі і эпідэміялогіі (1944–1946, дырэктар).

Памёр 16.02.1946. Пахаваны ў Мінску на Ваенных могілках.