Нарадзіўся 10.08.1941, в. Лажані (Верамеева), Гарадоцкі раён, Віцебская вобласць. Заолаг, арнітолаг, спецыяліст у галіне даследавання прыроды, экалогіі і відавой разнастайнасці Беларускага Паазер'я. Краязнавец. Кандыдат біялагічных навук (1972), дацэнт (1973).
Адукацыя: Віцебскі дзяржаўны педагагічны інстытут імя С. М. Кірава (1964).
Навуковыя інтарэсы: арніталогія; біялогія земнаводных; разнастайнасць насякомых; вывучэнне макрафітаў азёр; праблемы экалогіі і аховы прыроды паўночнага рэгіёну Беларусі; біяразнастайнасць прэснаводных экасістэм азёр вярхоўяў р. Дрысы і сярэдняй плыні р. Аўсянкі.
Кіраўнік навуковай школы па вывучэнні біяразнастайнасці Беларускага Паазер'я.
Месца працы, пасада: Віцебскі дзяржаўны ўніверсітэт імя П. М. Машэрава (1972–1990, кафедра заалогіі, дацэнт, у 1977–1986 – прарэктар па навуковай рабоце, у 1986–1990 – загадчык кафедры заалогіі; 1994–2010, у 1994–2002 – першы прарэктар, у 2002–2010 – загадчык кафедры экалогіі і аховы прыроды); Дзяржаўны камітэт Рэспублікі Беларусь па экалогіі (1990–1994, старшыня камітэта), пазней Міністэрства прыродных рэсурсаў і аховы навакольнага асяроддзя (красавік–кастрычнік 1994, міністр).
Узнагароды: медаль "За працоўныя заслугі", званні "Отличник высшей школы СССР", "Отличник просвещения СССР", "Выдатнік народнай асветы БССР" і інш.
Памёр 30.07.2010.
