Нарадзіўся 26.09.1961, г. Бабруйск, Магілёўская вобласць; грамадзянства – Расія. Матэматык, спецыяліст у галіне матэматычнай логікі, алгебры і тэорыі лікаў. Доктар фізіка-матэматычных навук (1996), прафесар (1997).

Адукацыя: Маскоўскі дзяржаўны ўніверсітэт імя М. В. Ламаносава (механіка-матэматычны факультэт, 1983; аспірантура, 1986).

Навуковыя інтарэсы: тэорыя мадэляў для модуляў; вырашальнасць тэорый модуляў над кальцом; кольцы і модулі; тэорыя прадстаўленняў канечнамерных алгебр.

Месца працы, пасада: вышэйшыя навучальныя ўстановы г. Масквы (1986–2000, 2008–2011), у т. л. Расійскі эканамічны ўніверсітэт імя Г. В. Пляханава (кафедра вышэйшай матэматыкі, прафесар), Універсітэт Агая (ЗША, 2001–2004, асістэнт прафесара), Манчэстэрскі ўніверсітэт (Вялікабрытанія, 2000 і 2005–2008, даследчык, лектар), Беларускі дзяржаўны ўніверсітэт (з 2012, механіка-матэматычны факультэт, кафедра вышэйшай алгебры і аховы інфармацыі, прафесар).

Памёр 29.04.2017.