Нарадзіўся 30.06.1917, г. Горкі, Магілёўская вобласць. Спецыяліст у галіне машынабудавання. Доктар тэхнічных навук (1970), прафесар (1970). Член-карэспандэнт АН БССР (1974). Удзельнік Вялікай Айчыннай вайны.

Адукацыя: Беларускі політэхнічны інстытут (1940).

Навуковыя інтарэсы: праектаванне асноўных агрэгатаў автамабіляў, трактароў, лакаматываў; методыка разліку валоў, шасцерняў, падшыпнікаў; тэорыя пабудовы электроных мадэлей транспартных і цягавых машын на аналогавых і лічбавых ЭВМ.

Месца працы, пасада: 10-ы вучэбны танкавы полк (1941–1945, Расія, г. Горкі, раён Сормава), Беларускі політэхнічны інстытут (1940 і 1945–1973, аўтатрактарны факультэт, кафедра "Аўтамабілі", у 1951–1973 – загадчык кафедры, з 1957 – навуковы кіраўнік Праблемнай навукова-даследчай лабараторыі аўтамабіляў), Інстытут праблем надзейнасці і даўгавечнасці машын АН БССР (з 1973 – дырэктар, з 1978 – намеснік дырэктара).

Узнагароды: званне "Заслужаны дзеяч навукі і тэхнікі Беларускай ССР" (1972), ордэн Працоўнага Чырвонага Сцяга і інш.

Памёр 12.06.1985.