Нарадзіўся 25.01.1930, г. Гомель. Спецыяліст у галіне тэхналогіі машынабудавання. Доктар тэхнічных навук (1974), прафесар (1976). Акадэмік АН Беларускай ССР (1980).
Адукацыя: Беларускі політэхнічны інстытут (1952).
Навуковыя інтарэсы: пластычнае дэфармаванне металаў; аптымальныя тэхналагічныя рэжымы апрацоўкі матэрыялаў з выкарыстанне ударных хваляў.
Месца працы, пасада: Аршанскі завод швейных машын (1952–1955), Фізіка-тэхнічны інстытут АН БССР (з 1958, у 1970–1983 – дырэктар, адначасова з 1969 – загадчык лабараторыі фізіка-хімічнай механікі), Беларуская дзяржаўная політэхнічная акадэмія (1983–1994, рэктар).
Узнагароды: званне "Заслужаны дзеяч навукі Беларускай ССР" (1983) і інш.
Памёр 06.06.1994, пахаваны на Усходніх могілках, г. Мінск.
